Dag 44

Vandag gaan ons lekker werk! Ons gaan in twees tel, groepe maak, deel, die pylnotasie metode leer, ‘n storiesom uitwerk, handskrif oefen, woorde bou, lees, en voorsetsels invul. In Lewensvaardigheid gaan ons ‘n tema wat geassesseer gaan word, hersien. Daar is ook ‘n praat aktiwiteit as Engels jou addisionele taal is. Kom ons begin!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Tel in twees tot 70:

Wiskunde metodes: Hierdie is ‘n nuttige opsomming om byderhand te hou vir hoe elke soort som bereken word. Wiskunde is een van die vakke waar jy altyd sal moet wys hoe jy jou antwoorde bereken het, of jy nou in Graad 1 of op universiteit is, so maak altyd seker dat jy al die stappe vir elke soort som volg. Laat altyd een lyntjie oop voordat jy met ‘n nuwe som begin, soos aangedui deur die groen kruisies.

Groepering en deling: Die getal aan die regterkant van die bladsy dui aan hoeveel sirkels jy moet teken. Die getal aan die linkerkant dui aan watter soort groepe jy moet maak.

Pylnotasie:

Storiesom:

Handskrif: Omdat Handskrif geassesseer word, is die korrekte vorming van letters baie belangrik. Skryf eerder stadig en netjies as om te jaag. Fokus daarop om die letter op die regte plek te begin en raak aan die onderste lyn. Probeer om nie jou hand op te lig terwyl jy die letters vorm nie.

Klanke – Bou woorde:

Lees – Sigwoorde: Leer die woorde wat gemerk is. Fokus veral op die nuwe woorde. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Klank die woorde wat onbekend is. Probeer om elke dag ‘n bietjie vlotter te lees. Probeer ook om met gevoel te lees. Onthou dat jou stem harder moet klink as daar ‘n uitroepteken is, en soos ‘n vraag wanneer daar ‘n vraagteken is.

Skryf – Vul die korrekte voorsetsels in:

Lewensvaardigheid: Soek die dinge wat gevaarlik is en sê hoe jy dit sal regmaak.

Engels Addisionele Taal – Woordeskat: Vandag gaan ons leer oor die dinge wat ons in die slaapkamer kry. Probeer jou bes om altyd in volsinne te praat.

Jy is sommer baie oulik!

Gaan speel nou lekker!

Dag 36

Jy kan vandag weer wys hoe slim jy is! In die Wiskunde oefentoets gaan jy in onewe getalle tel, getalle orden, en totale en kleingeld uitwerk. In die Klanke oefentoets gaan jy eindklanke skryf, dan hierdie week se storie lees, en ontbrekende woorde invul. In Lewensvaardigheid gaan ons dink oor hoe ons onsself veilig kan hou en gesels oor goeie en slegte gevoelens, en eindig met Engels, waar jy kan spog met hoe goed jy die woorde wat jy oor die woonkamer geleer het, ken. Kom ons spring weg!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 4: Gee een opdrag op ‘n slag, en slegs die volgende een sodra jou kind die vorige afdeling voltooi het.

Klanke – Oefentoets 4:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Skryf – Oefentoets 4:

Lewensvaardigheid: Verskillende mense en situasies beïnvloed of ons veilig of goed oor onsself voel. Gesels oor die volgende twee bladsye met jou kind. Hierdie bladsye is geneem uit die Departement van Basiese Onderwys se Lewensvaardigheid boek vir kwartaal 1 en 2.

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor die woonkamer geleer het, onthou. Wys na die dinge wat jy in die video hoor.

Welgedaan! Jy het vandag so goed gedoen.

Gaan speel en ontspan nou lekker!

Dag 35

Vandag is nog ‘n dag vol opwindende oefen-assesserings! In die Wiskunde oefentoets gaan jy in vywe en tiene tel, halveer, en hoofrekene doen. In die Klanke oefentoets gaan jy spog met jou vaardighede rondom woordfamilies, en dan hierdie week se storie lees. Jy gaan ook ‘n lys skryf van al die dinge wat ons by die skool gebruik. In Lewensvaardigheid gaan ons dink oor hoe ons onsself veilig kan hou en gesels oor goeie en slegte gevoelens, en eindig met Engels, waar jy kan spog met hoe goed jy die woorde wat jy oor die badkamer geleer het, ken. Een, twee, drie, kom ons begin!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 3: Gee een opdrag op ‘n slag, en slegs die volgende een sodra jou kind die vorige afdeling voltooi het.

Klanke – Oefentoets 3:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Skryf – Oefentoets 3:

Lewensvaardigheid: Spandeer tyd daaraan om met u kind oor hierdie belangrike onderwerp te gesels. Dit is belangrik dat hulle weet dat hulle, asook hulle liggame spesiaal is. Niemand mag aan hulle raak of vat nie, veral nie as hulle nee gesê het nie. Hierdie blad handel oor wanneer iemand se aanraking reg voel (‘n ja gevoel) en hulle goed en veilig laat voel, of wanneer iemand se aanraking verkeerd voel (‘n nee gevoel) en hulle onveilig of ongemaklik laat voel. Dit help hulle om te leer om hulle eie oordeel te vertrou in situasies met ander mense. Hierdie blad is geneem uit die Departement van Basiese Onderwys se Lewensvaardigheid boek vir kwartaal 1 en 2.

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor die badkamer geleer het, onthou. Wys na die dinge wat jy in die video hoor.

Jy was vandag ‘n ware ster gewees! Mooi so!

Gaan ontspan en speel nou lekker!

Dag 34

Vandag kan jy weer wys hoe baie jy al geleer het! In die Wiskunde oefentoets gaan jy in twees tel, aftrek, deel en groepe maak. Jy gaan na ‘n storie luister en vrae daaroor beantwoord. In die Klanke oefentoets gaan jy woorde bou, die storie lees, en sinne ontskommel. Ons gaan oor veiligheid gesels in Lewensvaardigheid, en eindig met Engels, waar jy kan spog met hoe goed jy die woorde wat jy oor verskillende soorte kos geleer het, ken. Hier gaan ons!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 2: Gee een opdrag op ‘n slag, en slegs die volgende een sodra jou kind die vorige afdeling voltooi het.

Luister na die storie en beantwoord die vrae wat volg. Jy hoef nie jou antwoorde te skryf nie – beantwoord dit mondelings.

Klanke – Oefentoets 2:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Klank die woorde wat onbekend is, probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Skryf – Oefentoets 2:

Lewensvaardigheid: Lees die blad oor veiligheid en sê wat jy daaroor dink. Is hulle veilig? Hierdie blad is geneem uit die Departement van Basiese Onderwys se Lewensvaardigheid boek vir kwartaal 1 en 2.

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor verskillende kossoorte geleer het, onthou. Wys na die dinge wat jy in die video hoor.

Sjoe, jy het so goed gedoen vandag! Jy verdien om nou ‘n breuk.

Gaan ontspan en speel nou lekker!

Dag 27

Vandag is propvol pret aktiwiteite! Ons gaan geometriese patrone uitbrei, inhoud meet en vergelyk, vrae beantwoord vir data hantering, ons leesbegrip toets, gesels oor hoe om veilig te bly, en noodnommers leer. Alhoewel Moedersdag verby is, kan jy nogsteeds die projek net vir die lekkerte doen om vir iemand te wys hoe lief jy vir hulle is. Daar is ook ‘n praat aktiwiteit as Engels jou addisionele taal is. Kom ons spring weg!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Geometriese patrone: Brei die patrone uit. Kyk mooi wat die oorspronklike patroon is en hoeveel keer dit herhaal moet word.

Meting van inhoud:

Data hantering:

Lees die storie een laaste maal en beantwoord die vrae wat volg. Teken ook jou weergawe van ‘n kaart met behulp van die inligting in die storie.

Bly veilig: Lees deur die volgende bladsye en stop na elke punt om daaroor te gesels met Mamma of Pappa. Sê wat jy dink en hoekom jy dink ons hierdie dinge moet doen om veilig te bly. Die inhoud is uit die Departement van Basiese Onderrig se Lewensvaardigheid werkboek vir kwartaal 1 en 2 geneem.

Noodnommers: Kyk of jy al die nommers sonder hulp kan sê.

Kuns:

Hier is die skakel na ons GEHEIME PROJEK wat vir Moedersdag bedoel was. Jy kan dit nogsteeds doen as jy vir iemand wil wys hoe lief jy vir hulle is.

Engels Addisionele Taal: Kyk hoeveel van die items kan jy benoem sonder die klank.

Dankie dat jy altyd jou beste gee en so mooi saamwerk.

Gaan speel nou lekker!