Dag 38

Ons gaan hierdie week gebruik om die werk wat ons tot dusver gedurende die tweede kwartaal gedoen het, te hersien. In Wiskunde gaan ons vorentoe en agteruit tel, optel, verdubbel, en ‘n storiesom uitwerk. Daar is ‘n vinnige klanketoets om te kyk hoe mooi jy al jou klanke ken, en dan gaan ons ‘n nuwe storie lees. Ons gaan ook ‘n sin skryf. Vir lewensvaardigheid gaan ons gesels oor die dinge wat ons kan doen om onsself gesond te hou. Dan gaan ons eindig met Engels, waar ons weer ‘n keer kyk na die woorde wat ons oor verskillende kossoorte geleer het. Laat ons wegspring!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Tel tot 60 en agteruit:

Wiskunde metodes: Hierdie is ‘n nuttige opsomming om byderhand te hou vir hoe elke soort som bereken word. Wiskunde is een van die vakke waar jy altyd sal moet wys hoe jy jou antwoorde bereken het, of jy nou in Graad 1 of op universiteit is, so maak altyd seker dat jy al die stappe vir elke soort som volg. Laat altyd een lyntjie oop voordat jy met ‘n nuwe som begin, soos aangedui deur die groen kruisies.

Optel en verdubbel:

Storiesom:

Klanke: Leer die -ok en -ol woorde. Vra vir Mamma of Pappa om te toets hoe goed jy hulle ken.

Klanktoets:

Lees – Woorde: Leer die woorde wat gemerk is. Fokus veral op die nuwe woorde. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Hier is ons nuwe storie! Probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is.

Skryf ‘n sin:

Lewensvaardigheid: Gesels oor die dinge wat ons kan doen om onsself gesond te hou. Hierdie is ‘n goeie geleentheid om ook oor voorsorgmaatreëls vir COVID-19 te gesels.

Engels Eerste Addissionele Taal – Woordeskat: Ons hersien ons vorige woorde en sinne. Probeer jou bes om altyd in volsinne te praat.

Jy is sommer baie oulik!

Gaan ontspan en speel nou lekker!

Dag 37

Vandag doen ons die laaste van ons oefentoetse! In die Wiskunde oefentoets gaan jy geometriese patrone uitbrei, 2D en 3D vorms benoem, jou begrip van die woordeskat wat met posisie gepaard gaan demonstreer, jou kennis van meting uitoefen, en vrae oor ‘n grafiek beantwoord. In die Klanke oefentoets gaan jy woorde skryf, en dan hierdie week se storie lees. Daar is ook ‘n begripstoets. Jy gaan sinne skryf, en dan gaan ons eindig met Engels, waar jy kan spog met hoe goed jy die woorde wat jy oor die klaskamer geleer het, ken. Kan jy dit doen? Ja, jy kan!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 5: Gee een opdrag op ‘n slag, en slegs die volgende een sodra jou kind die vorige afdeling voltooi het.

Klanke – Oefentoets 5:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Begripstoets:

Skryf – Oefentoets 5:

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor die klaskamer geleer het, onthou. Wys na die dinge wat jy in die video hoor.

Jy het dit gedoen! Goeie werk!

Gaan ontspan en speel nou lekker!

Dag 23

Vandag is propvol lekker uitdagings. Ons gaan agteruit tel, getalname skryf, kombinasies van 6 bereken, optel, ‘n storiesom uitwerk, handskrif oefen, woorde ontskommel, ons leesbegrip toets, en ‘n sin skryf. Daar is ook ‘n praat aktiwiteit as Engels jou addisionele taal is. Op jou merke, gereed, hier gaan ons!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Agteruit tel en getalname:

Kombinasies van 6:

Optelling (plus):

Storiesom:

Handskrif: Omdat Handskrif geassesseer word, is die korrekte vorming van letters baie belangrik. Skryf eerder stadig en netjies as om te jaag. Fokus daarop om die letter op die regte plek te begin en raak aan die onderste lyn. Probeer om nie jou hand op te lig terwyl jy die letters vorm nie.

Klanke: Leer vandag weer die -ip en -in woorde. Bou hulle met jou klankkaarte en vra vir Mamma of Pappa om die woorde vir jou in ‘n toets te sê, dan skryf jy hulle.

Klanke – Ontskommel woorde:

Lees die sinne een laaste maal. Beantwoord dan die vrae wat volg. As jy vashaak met ‘n vraag, gaan kyk weer in die storie, want al die inligting is daarin.

Jy hoef nie die vrae of jou antwoorde te skryf nie – sê dit sommer net hardop.

Skryf ‘n sin:

Engels Addisionele Taal: Vandag is ons laaste dag met hierdie video, want ons begin môre met ‘n nuwe een. Skakel die klank sommer van die begin af af en kyk of jy al die woorde en sinne self kan sê.

Joe, maar jy werk so hard! Jy kan baie trots wees op jouself.

Gaan speel nou lekker!

Dag 9

Ons gaan vandag sommer baie pret hê! Ons begin met tel in vywe, trek dan af, leer klanke, lees, en ontskommel ‘n sin. Hier gaan ons!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Tel in vywe tot 100:

Aftrekking:

Klanke:

Lees – Lees die sinne elke dag. Fokus daarop om vlot te lees en klank die woorde waarmee jy sukkel. Probeer ook om met gevoel te lees.

Skryf – Ontskommel die sin:

Jy kan baie trots wees op hoe hard jy vandag probeer het. Mooi so!

Gaan doen nou iets lekkers!

Dag 4

Vandag gaan ons in 2’s tel, fokus op kombinasies van 5 (minus), woorde ontskommel, lees en sinne skryf. Kom ons begin!

Al die hulpbronne wat in vandag se les gebruik is, kan by Dag 1 afgelaai word. Klik hier om nou daarheen te gaan. Nuut vandag is die blad om in veelvoude te tel. Laai dit hier af.

Tel in twees:

Indien jy nie toegang tot ‘n printer het nie, kan jy ‘n getalleblok op ‘n bladsy maak en elke tweede getal inkleur soos hier gewys.

Aftrekking – kombinasies van 5:

Oefen nog.

Handskrif:

Klanke – geskommelde woorde:

Lees:

Sinne skryf:

Skuus dat die video op sy kant is.

Jy is sommer baie oulik!

Gaan doen nou iets lekkers!