Dag 42

Vandag is vol lekker hersieningsaktiwiteite. In Wiskunde gaan jy geometriese patrone uitbrei, skryf hoe 3D vorms beweeg, wys wat jy in meting geleer het, en vrae beantwoord oor ‘n grafiek. Daar is ‘n begripstoets, en dan gaan jy ‘n lys skryf. Vir lewensvaardigheid gaan jy gesels oor wat ons behandel het en wat jy kan doen. Dan gaan ons eindig met Engels, waar ons weer ‘n keer kyk na die woorde en sinne wat ons voorheen geleer het. Is jy gereed? Laat ons wegspring!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Geometriese patrone en 3D vorms:

Wiskunde metodes: Hierdie is ‘n nuttige opsomming om byderhand te hou vir hoe elke soort som bereken word. Wiskunde is een van die vakke waar jy altyd sal moet wys hoe jy jou antwoorde bereken het, of jy nou in Graad 1 of op universiteit is, so maak altyd seker dat jy al die stappe vir elke soort som volg. Laat altyd een lyntjie oop voordat jy met ‘n nuwe som begin, soos aangedui deur die groen kruisies.

Meting van inhoud:

Data hantering:

Begripstoets: Lees die storie twee of drie maal en beantwoord dan die vrae wat volg. As jy nie weet wat ‘n antwoord is nie, moet jy weer gaan lees en dit in die storie vind.

Skryf ‘n lys:

Lewensvaardigheid: Gesels oor alles wat jy reeds geleer het en wat jy als kan doen.

Engels Eerste Addissionele Taal – Woordeskat: Ons hersien ons vorige woorde en sinne. Probeer jou bes om altyd in volsinne te praat.

Jy is ‘n superster!

Gaan ontspan en speel nou lekker!

Dag 37

Vandag doen ons die laaste van ons oefentoetse! In die Wiskunde oefentoets gaan jy geometriese patrone uitbrei, 2D en 3D vorms benoem, jou begrip van die woordeskat wat met posisie gepaard gaan demonstreer, jou kennis van meting uitoefen, en vrae oor ‘n grafiek beantwoord. In die Klanke oefentoets gaan jy woorde skryf, en dan hierdie week se storie lees. Daar is ook ‘n begripstoets. Jy gaan sinne skryf, en dan gaan ons eindig met Engels, waar jy kan spog met hoe goed jy die woorde wat jy oor die klaskamer geleer het, ken. Kan jy dit doen? Ja, jy kan!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 5: Gee een opdrag op ‘n slag, en slegs die volgende een sodra jou kind die vorige afdeling voltooi het.

Klanke – Oefentoets 5:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Begripstoets:

Skryf – Oefentoets 5:

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor die klaskamer geleer het, onthou. Wys na die dinge wat jy in die video hoor.

Jy het dit gedoen! Goeie werk!

Gaan ontspan en speel nou lekker!

Dag 32

Vandag is ‘n dag propvol pret! Ons gaan geometriese patrone uitbrei, die meting van inhoud ondersoek, vrae beantwoord oor ‘n grafiek, kyk hoe 3D vorms beweeg, vrae beantwoord oor die storie wat ons gelees het, oor ons vyf sintuie gesels, en ‘n lyf bou uit die dinge wat ons in en om ons huise kan vind. Daar is ook ‘n praat aktiwiteit as Engels jou addisionele taal is. Kom ons begin!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Daar was tegniese probleme met die Downloads blad gewees, maar die probleem is nou opgelos. Klik op die skakel hier bo – veral om die nuwe Sigwoorde blad af te laai.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Geometriese patrone:

Meting van inhoud:

Data hantering:

Ruimte en vorm – 3D vorms:

Klanke – Nuwe woorde: Leer die -ot woorde. Klank die woorde, bou hulle met jou klankkaarte, en vra dat Mamma of Pappa toets hoe goed jy hulle ken.

Leesbegrip: Lees die storie een laaste maal en beantwoord dan die vrae daaroor. As jy nie seker is oor ‘n antwoord nie moet jy weer in die storie gaan kyk.

Lewensvaardigheid: Gesels oor die vyf sintuie en vul dan die blokke onder aan die bladsy in. Vra jouself: kan jy ‘n blom ruik? Kan jy ‘n blom proe? Kan jy dit sien? Kan jy dit hoor? Kan jy dit voel? Vra hierdie vrae vir elkeen van die voorwerpe. As daar nie baie tyd is nie, kan jy die antwoorde sommer hardop sê. Die blad is geneem uit die Departement van Basiese Onderwys se Lewensvaardigheid boek vir kwartaal 1 en 2.

Engels Addisionele Taal: Skakel die klank af en spog met hoeveel woorde en sinne jy als alleen kan sê. Hierdie is die laaste dag wat ons hierdie video gaan gebruik, so as jy nog vassteek by sekere woorde moet jy jou bes probeer om dit vandag te leer.

En nou moet jy vreeslik lekker gaan speel, want jy was vandag ‘n ware ster gewees!

Dag 27

Vandag is propvol pret aktiwiteite! Ons gaan geometriese patrone uitbrei, inhoud meet en vergelyk, vrae beantwoord vir data hantering, ons leesbegrip toets, gesels oor hoe om veilig te bly, en noodnommers leer. Alhoewel Moedersdag verby is, kan jy nogsteeds die projek net vir die lekkerte doen om vir iemand te wys hoe lief jy vir hulle is. Daar is ook ‘n praat aktiwiteit as Engels jou addisionele taal is. Kom ons spring weg!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Geometriese patrone: Brei die patrone uit. Kyk mooi wat die oorspronklike patroon is en hoeveel keer dit herhaal moet word.

Meting van inhoud:

Data hantering:

Lees die storie een laaste maal en beantwoord die vrae wat volg. Teken ook jou weergawe van ‘n kaart met behulp van die inligting in die storie.

Bly veilig: Lees deur die volgende bladsye en stop na elke punt om daaroor te gesels met Mamma of Pappa. Sê wat jy dink en hoekom jy dink ons hierdie dinge moet doen om veilig te bly. Die inhoud is uit die Departement van Basiese Onderrig se Lewensvaardigheid werkboek vir kwartaal 1 en 2 geneem.

Noodnommers: Kyk of jy al die nommers sonder hulp kan sê.

Kuns:

Hier is die skakel na ons GEHEIME PROJEK wat vir Moedersdag bedoel was. Jy kan dit nogsteeds doen as jy vir iemand wil wys hoe lief jy vir hulle is.

Engels Addisionele Taal: Kyk hoeveel van die items kan jy benoem sonder die klank.

Dankie dat jy altyd jou beste gee en so mooi saamwerk.

Gaan speel nou lekker!

Dag 19

Ons gaan al die lekkerste werk vandag doen. Eerste gaan ons na ons gevoelens omsien, dan rangskik ons getalle, brei geometriese patrone uit, ondersoek inhoud, teken bevindinge op ‘n grafiek aan, praat oor hoe 3D vorms beweeg, beantwoord vrae oor ons leesstuk, en maak ‘n boek. Daar is ook bietjie Engels om te oefen indien dit jou addisionele taal is.

Emosies: Teken ‘n gevoelensboom. Dan gaan jy verskillende kleure gebruik om vrugte in die boom te teken om te wys hoe jy oor die afgelope week gevoel het. Teken ‘n geel vrug vir elke keer wat jy gelukkig gevoel het. As jy ses keer gelukkig gevoel het, moet jy ses geel vrugte teken. Rooi vrugte is vir al die kere wat jy kwaad gevoel het. Blou vrugte is vir die kere wat jy hartseer gevoel het en oranje vrugte is vir die kere wat jy geïrriteerd of gefrustreerd gevoel het. Hierdie is ‘n goeie geleentheid om te gesels oor die dinge wat jy voel.

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Orden getalle: Rangskik die getalle eers van klein na groot en dan van groot na klein.

Geometriese patrone: Herhaal elke patroon drie maal. Kyk mooi – wanneer die vorm groot is, moet joune ook groot wees en wanneer dit klein is, moet joune ook klein wees.

Meting van inhoud: Skryf eers in jou boek en gaan stel dan ondersoek in in jou kombuis of badkamer.

Data hantering: Tel eers die voorwerpe in elke versameling, teken jou bevindinge op die grafiek aan, en beantwoord die vrae.

Ruimte en vorm: Hoe 3D vorms beweeg.

Leesbegrip: Lees die storie een laaste maal en beantwoord dan die vrae daaroor. Jy hoef nie die vrae neer te skryf of jou antwoorde te skryf nie – beantwoord dit sommer mondelings.

Skryf – Maak jou eie boek:

Engels Addisionele Taal – Woordeskat: Skakel vandag die klank af en kyk of jy al die woorde self kan sê.

Baie goeie werk. Jy is sommer baie oulik!

Gaan speel nou lekker!

Dag 14

Ons het al die lekker aktiwiteite gehou om vandag te doen. Ons gaan getalle rangskik, meet in die kombuis, in ons klerekaste data hantering doen, handskrif oefen, woorde in woordfamilies rangskik, illustreerders wees vir ons storie, en ‘n familie-album maak. Kom ons spring weg!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Rangskik die getalle eers van klein na groot, en dan van groot na klein:

Meting van inhoud:

Data hantering: Gaan na jou klerekas en tel jou hemde, skoene, broeke en sokkies. Kleur die gepasde hoeveelheid blokkies op jou grafiek in en beantwoord dan die vrae.

Handskrif: Omdat Handskrif geassesseer word, is die korrekte vorming van letters baie belangrik. Skryf eerder stadig en netjies as om te jaag. Probeer jou bes om op die regte plek te begin en om nie jou hand te lig terwyl jy ‘n letter vorm nie.

Klanke – Woordfamilies: Rangskik die woorde in die korrekte woordfamilies.

Jy is nou ‘n illustreerder! Lees die sinne vir oulaas. Dink dan oor die storie wat jy gelees het en teken ‘n prent om te wys waaroor die storie handel.

Maak ‘n familie-album: Skryf die name van ses familielede in jou blokke – jy kan kies watter ses jy wil skryf. Die laaste blok bevat die name van nog familielede wat jy kan gebruik. Teken dan ‘n prent van elkeen, of knip ‘n foto van elkeen uit (net as Mamma of Pappa vir jou toestemming gegee het om dit te doen). Versier jou album mooi met gekleurde kryte, plakkers of enigiets anders wat jy graag wil gebruik.

Engels Eerste Addisionele Taal – Woordeskat: Ons oefen vir oulaas die woordeskat vir die kombuis. Kyk of jy al die woorde ken.

Jy het so mooi saamgewerk en ek hoop dat jy die aktiwiteite geniet het.

Gaan speel nou lekker!