Dag 33

Ons gaan die volgende paar dae gebruik om te kyk hoe goed jy elk van die dinge wat ons tot dusver geleer het, verstaan. Vandag in die Wiskunde oefentoets is daar geleentheid om getalname te skryf, vir optel, verdubbel, om getalkombinasies uit te werk, en om agteruit te tel. In die Klanke oefentoets is daar beginklanke en geskommelde woorde. Daar is ‘n nuwe storie om te lees en vir skryf gaan jy sinne by die korrekte prente pas. Ons gaan oor die verskillende bene in ons liggame leer in Lewensvaardigheid, en eindig met Engels, waar jy kan spog met hoe goed jy die woorde wat jy oor die kombuis geleer het, ken. Kom ons begin!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 1: Gee een opdrag op ‘n slag, en slegs die volgende een sodra jou kind die vorige afdeling voltooi het.

Klanke: Leer die -om woorde. Klank hulle uit, bou hulle met jou klankkaarte en vra vir Mamma of Pappa om te toets hoe goed jy hulle ken.

Klanke – Oefentoets 1:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Vandag het ons ‘n splinternuwe storie! Klank die woorde wat onbekend is, probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Skryf – Oefentoets 1:

Lewensvaardigheid: Lees die blad oor die bene in jou liggaam en sê wat jy daaroor dink. Hierdie blad is geneem uit die Departement van Basiese Onderwys se Lewensvaardigheid boek vir kwartaal 1 en 2.

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor die kombuis geleer het, onthou. Wys na die dinge wat jy in die video hoor.

Jy het wonderlik gedoen! En kyk net hoe slim is jy!

Gaan ontspan en speel nou lekker!

Dag 15

Ek hoop jy is reg vir ‘n dag propvol lekker werk. Ons gaan vorentoe en agteruit tel, bietjie kopkrap met ‘n storiesom, getalname skryf, kombinasies van 5 leer. handskrif oefen, nuwe klanke leer en eindklanke uitken, lees, en ‘n sin skryf. Daar is ook bietjie Engels om te oefen indien dit jou addisionele taal is. Kom ons begin!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Tel: Vandag gaan ons die getalreeks verhoog tot 60. Tel in ene tot 60 en weer agteruit.

Storiesom: Jy moenie die storiesom uitskryf nie – doen slegs die bewerking en onthou om jou sirkels te teken en die woord by jou antwoord te skryf.

Getalname: Skryf die getalnaam, laat ‘n vingerspasie, skryf dan die getalsimbool (syfer), nog ‘n vingerspasie en teken laastens soveel prentjies as wat die getal vir ons sê.

Kombinasies van 5: Daar is verskillende maniere om die antwoord konkreet te bereken, so daar is 2 videos om verskillende wyses te demonstreer.

Met tellers.
Met vingers.

Handskrif: Omdat Handskrif geassesseer word, is die korrekte vorming van letters baie belangrik. Skryf eerder stadig en netjies as om te jaag. Fokus daarop om die letter op die regte plek te begin en raak aan die onderste lyn. Probeer om nie jou hand op te lig terwyl jy die letters vorm nie.

Klanke – Nuwe woorde: Leer die -es en -ek woorde. Bou die woorde met jou klankkaarte en vra vir mamma of pappa om jou te toets.

Klanke – Eindklanke. Luister mooi watter klank jy aan die einde van elke woord hoor en skryf dit dan.

Lees – Ons begin vandag met ‘n nuwe storie vir die week. Klank die woorde wat onbekend is en oefen om vlot te lees.

Skryf: Skryf ‘n sin om te sê hoe jy jou familie in die huis help en teken ‘n prent om te wys hoe jy dit doen. Daar is ‘n paar voorstelle van woorde wat jy in die plek van die lyn kan skryf, maar vra vir Mamma of Pappa om jou te help om die woorde te skryf as daar iets anders is waarmee jy in die huis help.

Engels Addisionele Taal – Woordeskat: Ons gaan hierdie woorde vir ‘n week lank oefen. Kyk of jy hulle almal kan sê en verstaan.

Sjoe, maar jy is verskriklik slim! Jy het mooi gewerk vandag.

Gaan doen nou iets pret!

Dag 4

Vandag gaan ons in 2’s tel, fokus op kombinasies van 5 (minus), woorde ontskommel, lees en sinne skryf. Kom ons begin!

Al die hulpbronne wat in vandag se les gebruik is, kan by Dag 1 afgelaai word. Klik hier om nou daarheen te gaan. Nuut vandag is die blad om in veelvoude te tel. Laai dit hier af.

Tel in twees:

Indien jy nie toegang tot ‘n printer het nie, kan jy ‘n getalleblok op ‘n bladsy maak en elke tweede getal inkleur soos hier gewys.

Aftrekking – kombinasies van 5:

Oefen nog.

Handskrif:

Klanke – geskommelde woorde:

Lees:

Sinne skryf:

Skuus dat die video op sy kant is.

Jy is sommer baie oulik!

Gaan doen nou iets lekkers!

Dag 3

Vandag leer ons oor getalkombinasies vir 5, oefen handskrif en bou woorde met ons klanke.

Optel – getalkombinasies van 5:

Oefen nog.

Handskrif:

Bou woorde met klanke:

Die hulpbronne vir klanke kan by Dag 1 afgelaai word. Klik hier om daarheen te gaan.

Gebruik die klanke wat jy geleer het om hierdie te lees:

Mag die res van jou dag vol pret wees!