Dag 85

Ons gaan vandag slim dinge leer! Ons gaan getalle orden, ‘n storiesom uitwerk, totale en kleingeld bereken, gesels oor 3D vorms, handskrif oefen, rymwoorde skryf, lees, en ‘n sin met die korrekte leestekens skryf. In Lewensvaardigheid gaan ons oor kos leer. Daar is ook skryf en praat aktiwiteite as Engels jou addisionele taal is. Kom ons begin!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Wiskunde metodes: Daar is ‘n tweede blad bygevoeg. Hierdie is ‘n nuttige opsomming om byderhand te hou vir hoe elke soort som bereken word. Wiskunde is een van die vakke waar jy altyd sal moet wys hoe jy jou antwoorde bereken het, of jy nou in Graad 1 of op universiteit is, so maak altyd seker dat jy al die stappe vir elke soort som volg. Laat altyd een lyntjie oop voordat jy met ‘n nuwe som begin, soos aangedui deur die groen kruisies.

Orden getalle en storiesom:

Geld – Totale en kleingeld: Die werkvelle is geneem uit die Departement vir Basiese Onderwys se werkboek 2.

Ruimte en vorm – 3D vorms:

Handskrif: Omdat Handskrif geassesseer word, is die korrekte vorming van letters baie belangrik. Skryf eerder stadig en netjies as om te jaag. Fokus daarop om die letter op die regte plek te begin en raak aan die onderste lyn. Probeer om nie jou hand op te lig terwyl jy die letters vorm nie.

Klanke – Nuwe woorde: Ons hersien hierdie week van ons nuwe klanke. Laai dit gerus hier af. Jy hoef nie die sinne te skryf of leer nie – hulle is daar om jou te help om te verstaan wat die woorde beteken. Leer slegs die woorde in die blokke aan die linkerkant. Klank hulle uit en vra vir Mamma of Pappa om te toets hoe goed jy hulle ken.

Lees – Sigwoorde: Fokus veral op die nuwe woorde. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Klank die woorde wat onbekend is. Probeer om elke dag ‘n bietjie vlotter te lees. Probeer ook om met gevoel te lees. Onthou dat jou stem harder moet klink as daar ‘n uitroepteken is, en soos ‘n vraag wanneer daar ‘n vraagteken is.

Rymwoorde en Leestekens: Vandag is daar slegs ‘n paar leidrade gegee. Kyk of jy al die regte woorde met hoofletters kan skryf.

Lewensvaardigheid – Kos: Gesels oor waar verskillende soorte kos vandaan kom. Hierdie blad is geneem uit die Departement van Basiese Onderwys se Lewensvaardigheid werkboek vir Kwartaal 3 en 4.

Engels Addisionele Taal – Skryf:

Engels Addisionele Taal – Woordeskat: Ons vertel hierdie week ‘n storie. Gesels saam en probeer om teen die einde van die week die sinne sonder die hulp van die video te sê. Probeer om altyd in volsinne te praat.

Sjoe, jy werk so mooi!

Gaan speel nou lekker!

Dag 47

Vandag is vol lekker aktiwiteite. In Wiskunde gaan jy geometriese patrone uitbrei, 3D vorms verder bestudeer, lengte meet, en vrae beantwoord oor ‘n grafiek. Daar is ‘n vinnige klanktoets, ‘n begripstoets, en dan gaan jy ‘n kaartjie maak. Dan gaan ons eindig met Engels, waar ons vir oulaas kyk na hierdie week se video. Is jy gereed? Kom ons spring weg!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Geometriese patrone:

Wiskunde metodes: Hierdie is ‘n nuttige opsomming om byderhand te hou vir hoe elke soort som bereken word. Wiskunde is een van die vakke waar jy altyd sal moet wys hoe jy jou antwoorde bereken het, of jy nou in Graad 1 of op universiteit is, so maak altyd seker dat jy al die stappe vir elke soort som volg. Laat altyd een lyntjie oop voordat jy met ‘n nuwe som begin, soos aangedui deur die groen kruisies.

3D vorms: Gebruik die woorde om die sinne te voltooi.

Meting van lengte: Rangskik die lyne volgens die instruksies.

Data hantering:

Klanke – Nuwe woorde: Leer die -uk en -ul woorde, Klank die woorde, bou hulle met jou klankkaarte, en vra dat Mamma of Pappa toets hoe goed jy hulle ken.

Klanke toets: Vra vir Mamma of Pappa om hierdie woorde vir jou in ‘n toets te vra.

Begripstoets: Lees die storie twee of drie maal en beantwoord dan die vrae wat volg. As jy nie weet wat ‘n antwoord is nie, moet jy weer gaan lees en dit in die storie vind.

Skryf – maak ‘n kaartjie:

Engels Addisionele Taal – Woordeskat: Ons leer vir oulaas oor die dinge wat ons in die slaapkamer kry. Probeer jou bes om altyd in volsinne te praat. Skakel die klank van die begin af heeltemal af.

Joe, jy is sommer baie slim!

Gaan ontspan en speel nou lekker!

Dag 42

Vandag is vol lekker hersieningsaktiwiteite. In Wiskunde gaan jy geometriese patrone uitbrei, skryf hoe 3D vorms beweeg, wys wat jy in meting geleer het, en vrae beantwoord oor ‘n grafiek. Daar is ‘n begripstoets, en dan gaan jy ‘n lys skryf. Vir lewensvaardigheid gaan jy gesels oor wat ons behandel het en wat jy kan doen. Dan gaan ons eindig met Engels, waar ons weer ‘n keer kyk na die woorde en sinne wat ons voorheen geleer het. Is jy gereed? Laat ons wegspring!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Geometriese patrone en 3D vorms:

Wiskunde metodes: Hierdie is ‘n nuttige opsomming om byderhand te hou vir hoe elke soort som bereken word. Wiskunde is een van die vakke waar jy altyd sal moet wys hoe jy jou antwoorde bereken het, of jy nou in Graad 1 of op universiteit is, so maak altyd seker dat jy al die stappe vir elke soort som volg. Laat altyd een lyntjie oop voordat jy met ‘n nuwe som begin, soos aangedui deur die groen kruisies.

Meting van inhoud:

Data hantering:

Begripstoets: Lees die storie twee of drie maal en beantwoord dan die vrae wat volg. As jy nie weet wat ‘n antwoord is nie, moet jy weer gaan lees en dit in die storie vind.

Skryf ‘n lys:

Lewensvaardigheid: Gesels oor alles wat jy reeds geleer het en wat jy als kan doen.

Engels Eerste Addissionele Taal – Woordeskat: Ons hersien ons vorige woorde en sinne. Probeer jou bes om altyd in volsinne te praat.

Jy is ‘n superster!

Gaan ontspan en speel nou lekker!

Dag 37

Vandag doen ons die laaste van ons oefentoetse! In die Wiskunde oefentoets gaan jy geometriese patrone uitbrei, 2D en 3D vorms benoem, jou begrip van die woordeskat wat met posisie gepaard gaan demonstreer, jou kennis van meting uitoefen, en vrae oor ‘n grafiek beantwoord. In die Klanke oefentoets gaan jy woorde skryf, en dan hierdie week se storie lees. Daar is ook ‘n begripstoets. Jy gaan sinne skryf, en dan gaan ons eindig met Engels, waar jy kan spog met hoe goed jy die woorde wat jy oor die klaskamer geleer het, ken. Kan jy dit doen? Ja, jy kan!

Die ding van toetse… Lees asseblief die nota hieronder.

Hierdie week sluit ‘n paar oefentoetse in. Die werk in die toetse is gebasseer op wat ons vanaf Dag 1 van die lesse op die webblad gedoen het. Ek beveel nie aan dat enige kind die toetse skryf, tensy hy/sy deeglik voorberei is om die werk te doen nie. Gaan eerder terug na vorige lesse indien jou kind eers onlangs met Kwartaal 2 se werk begin het. Die soek funksie kan ook help as jy na spesifieke onderwerpe wil teruggaan.

Die toetse moet so informeel as moontlik en met so min druk as moontlik gedoen word. Die enigste rede hoekom werk ooit geassesseer moet word, is sodat ons ‘n aanduiding kan hê van waar daar meer hulp benodig word, of waar ‘n konsep nog nie heeltemal vasgelê is nie. So, moenie die antwoorde of hulp buiten die instruksies gee nie, maar gee wel baie aanmoediging aan jou kind. As hy/sy vashaak, moedig hom/haar aan om terug te dink na hoe ons die werk voorheen gedoen het. Die toetse is hier beskikbaar met memo’s indien jy dit wil druk. Indien jy nie toegang tot ‘n printer het nie, kan jy hulle met die hand oorskryf. Die memo’s dui aan hoe die punte toegeken word en waarvoor ‘n onderwyser sal uitkyk.

Wiskunde – Oefentoets 5: Gee een opdrag op ‘n slag, en slegs die volgende een sodra jou kind die vorige afdeling voltooi het.

Klanke – Oefentoets 5:

Lees – Woorde: Leer die woorde wat gemerk is. Probeer om hulle dadelik te sê. Hou aan om jou woorde te leer totdat jy hulle almal mooi ken.

Lees: Lees die storie. Probeer om elke dag vlotter te lees, en probeer ook om met gevoel te lees. Onthou dat jou stem soos ‘n vraag moet klink wanneer daar ‘n vraagteken is, en meer opgewonde wanneer daar ‘n uitroepteken is.

Begripstoets:

Skryf – Oefentoets 5:

Engels Eerste Addissionele Taal – Woordeskat: Vandag is jou kans om te sien hoe goed jy die woorde wat ons oor die klaskamer geleer het, onthou. Wys na die dinge wat jy in die video hoor.

Jy het dit gedoen! Goeie werk!

Gaan ontspan en speel nou lekker!

Dag 32

Vandag is ‘n dag propvol pret! Ons gaan geometriese patrone uitbrei, die meting van inhoud ondersoek, vrae beantwoord oor ‘n grafiek, kyk hoe 3D vorms beweeg, vrae beantwoord oor die storie wat ons gelees het, oor ons vyf sintuie gesels, en ‘n lyf bou uit die dinge wat ons in en om ons huise kan vind. Daar is ook ‘n praat aktiwiteit as Engels jou addisionele taal is. Kom ons begin!

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

Daar was tegniese probleme met die Downloads blad gewees, maar die probleem is nou opgelos. Klik op die skakel hier bo – veral om die nuwe Sigwoorde blad af te laai.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Geometriese patrone:

Meting van inhoud:

Data hantering:

Ruimte en vorm – 3D vorms:

Klanke – Nuwe woorde: Leer die -ot woorde. Klank die woorde, bou hulle met jou klankkaarte, en vra dat Mamma of Pappa toets hoe goed jy hulle ken.

Leesbegrip: Lees die storie een laaste maal en beantwoord dan die vrae daaroor. As jy nie seker is oor ‘n antwoord nie moet jy weer in die storie gaan kyk.

Lewensvaardigheid: Gesels oor die vyf sintuie en vul dan die blokke onder aan die bladsy in. Vra jouself: kan jy ‘n blom ruik? Kan jy ‘n blom proe? Kan jy dit sien? Kan jy dit hoor? Kan jy dit voel? Vra hierdie vrae vir elkeen van die voorwerpe. As daar nie baie tyd is nie, kan jy die antwoorde sommer hardop sê. Die blad is geneem uit die Departement van Basiese Onderwys se Lewensvaardigheid boek vir kwartaal 1 en 2.

Engels Addisionele Taal: Skakel die klank af en spog met hoeveel woorde en sinne jy als alleen kan sê. Hierdie is die laaste dag wat ons hierdie video gaan gebruik, so as jy nog vassteek by sekere woorde moet jy jou bes probeer om dit vandag te leer.

En nou moet jy vreeslik lekker gaan speel, want jy was vandag ‘n ware ster gewees!

Dag 19

Ons gaan al die lekkerste werk vandag doen. Eerste gaan ons na ons gevoelens omsien, dan rangskik ons getalle, brei geometriese patrone uit, ondersoek inhoud, teken bevindinge op ‘n grafiek aan, praat oor hoe 3D vorms beweeg, beantwoord vrae oor ons leesstuk, en maak ‘n boek. Daar is ook bietjie Engels om te oefen indien dit jou addisionele taal is.

Emosies: Teken ‘n gevoelensboom. Dan gaan jy verskillende kleure gebruik om vrugte in die boom te teken om te wys hoe jy oor die afgelope week gevoel het. Teken ‘n geel vrug vir elke keer wat jy gelukkig gevoel het. As jy ses keer gelukkig gevoel het, moet jy ses geel vrugte teken. Rooi vrugte is vir al die kere wat jy kwaad gevoel het. Blou vrugte is vir die kere wat jy hartseer gevoel het en oranje vrugte is vir die kere wat jy geïrriteerd of gefrustreerd gevoel het. Hierdie is ‘n goeie geleentheid om te gesels oor die dinge wat jy voel.

As jy nuut is kan jy die hulpbronne wat vir tel in veelvoude, klanke wat aangeleer is (om in klankkaarte op te knip) klanklyste, en sigwoordlys hier aflaai. Daar is ook ‘n paar oefentoetse oor Kwartaal 2 se werk.

‘n Nota aan ouers: Laat jou kind toe om soveel moontlik van die skryfwerk te doen. Dit hou hom/haar nie bloot net langer besig nie, maar bied veral die geleentheid om te oefen om korrek na (af) te skryf – ‘n vaardigheid wat normaalweg baie fokus sou ontvang in die klaskamer. Van die take is uitdagend, maar moenie net die antwoord gee nie. As jou kind vashak, gee eerder ‘n leidraad of lei hom/haar deur die stappe om self by die antwoord uit te kom. Jy sal verbaas wees oor hoe slim kinders kan wees!

Orden getalle: Rangskik die getalle eers van klein na groot en dan van groot na klein.

Geometriese patrone: Herhaal elke patroon drie maal. Kyk mooi – wanneer die vorm groot is, moet joune ook groot wees en wanneer dit klein is, moet joune ook klein wees.

Meting van inhoud: Skryf eers in jou boek en gaan stel dan ondersoek in in jou kombuis of badkamer.

Data hantering: Tel eers die voorwerpe in elke versameling, teken jou bevindinge op die grafiek aan, en beantwoord die vrae.

Ruimte en vorm: Hoe 3D vorms beweeg.

Leesbegrip: Lees die storie een laaste maal en beantwoord dan die vrae daaroor. Jy hoef nie die vrae neer te skryf of jou antwoorde te skryf nie – beantwoord dit sommer mondelings.

Skryf – Maak jou eie boek:

Engels Addisionele Taal – Woordeskat: Skakel vandag die klank af en kyk of jy al die woorde self kan sê.

Baie goeie werk. Jy is sommer baie oulik!

Gaan speel nou lekker!